夏蘭特加盟曼城嘅數據逐年遞減，啱啱簽咗十年長約

英超 24/25 球季落幕，曼城收官戰作客 2-0 贏富咸，攞到聯賽第三。

24 歲嘅夏蘭特身價 2 億歐元，同雲尼素斯並列球壇最高。今個球季係夏蘭特加盟曼城嘅第三個球季，受到傷病等各方面影響，佢喺藍月嘅數據逐年遞減，今個球季嘅表現更加係令球迷唔滿意。

今年年初夏蘭特同曼城簽咗份 10 年長約，直到 2034 年都喺曼城，而家年薪超過 2000 萬歐元，係英超頂薪。