現年42歲嘅西班牙門將連拿喺接受訪問嗰陣宣布，自己將會喺今個禮拜意甲結束後退役，結束長達25年嘅職業生涯。
現年42歲嘅連拿而家效力緊意甲球隊科莫，呢位西班牙門將喺2000年代表巴塞隆拿上演職業生涯首秀，之後效力過維拉利爾、利物浦、拿玻里、拜仁慕尼黑、AC米蘭、阿士東維拉同埋拉素。
國家隊層面，連拿曾經為西班牙隊上陣36次，跟隊攞過兩座歐洲國家盃冠軍 (2008年同2012年) 同埋一座世界盃冠軍 (2010年)。
喺接受Movistar訪問嗰陣，連拿宣布佢將會喺今個禮拜五科莫主場對國際米蘭嘅意甲煞科戰結束後退役。
